Egils-gull deildin - úrslit 17. október

Laugardaginn 17. október fara fram síðustu tveir leikir í Egils-gull deildinni, utandeild í knattspyrnu. Báðir leikir fara fram í Kórnum í Kópavogi. Sá fyrri er leikur um 3. sæti en þar etja kappi Knattspyrnufélagið Elliði og Hjörleifur. Bæði lið hafa spilað í deildinni í allnokkur ár og þónokkuð oft blandað sér í toppbaráttuna. Hörkuleikur sem hefst kl. 17:00.

Seinni leikurinn, úrslitaleikurinn, hefst kl. 19:00. Núverandi meistarar, Vængir Júpíters, mæta Kumho. Bæði lið eru með öflugan og breiðan hóp og hafa verið að spila feiknarlega vel í sumar.

Mætum á völlinn, það kostar ekkert inn, og upplifum alvöru knattspyrnu. Það jafnast ekkert á við utandeildarknattspyrnu.